«Հայաստան» համահայկական հիմնադրամը կազմակերպում է «Քեզ համար, Լիբանան» խորագրով համերգ-դրամահավաք, որը կարելի է դիտել գալիք շաբաթ օրը՝ օգոստոսի 29-ին ժամը 22:30-ին՝  Հիմնադրամի ֆեյսբուքյան էջով: Ողջ հասույթն ուղղվում է պայթյունից տուժած Լիբանանի հայ կրթական հաստատություններին։

 

Համերգի ընթացքում կատարումներով հանդես կգան հայտնի երգիչներ, կլինեն հատուկ ռեպորտաժներ Բեյրութից, կոչով հանդես կգան ՀՀ նախագահ և Հիմնադրամի հոգաբարձուների խորհրդի նախագահ Արմեն Սարգսյանը, Ատոմ Էգոյանը, Արսինե Խանջյանը, Սերժ Թանկյանը և այլոք։