Պատժամիջոցները ոչինչ չեն փոխի. Դոնբասի պաշտպանության գործողությունը կիրականացվի ամբողջ ծավալով: Այդ մասին հայտարարել է Ռուսաստանի Անվտանգության խորհրդի նախագահի տեղակալ Դմիտրի Մեդվեդևը՝ փոխանցում է ТАСС-ը:
Նա չի բացառել այն անձանց ունեցվածքի ազգայնացումը, որոնք գրանցում ունեն ԱՄՆ-ում, Եվրամիության և այլ «ոչ բարյացակամ երկրներում»:
«Արտերկրում Ռուսաստանի քաղաքացիների և ընկերությունների միջոցների կալանքներին պետք է համարժեք պատասխան տալ՝ կալանք կիրառել ՌԴ-ում օտարերկրյա միջոցների հանդեպ»,- ասել է Մեդվեդևը:
Ռուսաստանի նախկին նախագահի խոսքով՝ Մոսկվայի դեմ պատժամիջոցները կարող են առիթ հանդիսանալ ռազմավարական կայունության շուրջ երկխոսությունն ընդհատելու և դրանք սահմանած պետությունների հետ հարաբերությունները վերջնականապես վերանայելու համար:
ՌԴ Անվտանգության խորհրդի փոխնախագահ Դմիտրի Մեդվեդևը խոսել է Ուկրաինայում ռազմական գործողության պատճառով հակառուսական պատժամիջոցների և արգելքների մասին։
«Հիմա մեզ ամեն տեղից քշում են, պատժում, վախեցնում, բայց նորից չենք վախենում... Եվրախորհուրդն ու ԵԽԽՎ-ն այժմ դադարեցրել են Ռուսաստանի անդամակցությունը։ Վայրի անարդարություն. թեև լավ պատճառ՝ վերջապես դուռը շրխկացնելու և այս անիմաստ ողորմությունների մասին ընդմիշտ մոռանալու համար։ Բացի այդ, սա նաև լավ հնարավորություն է՝ վերականգնելու մի շարք կարևոր ինստիտուտներ՝ երկրում առանձնապես ծանր հանցագործությունները կանխելու համար։ Օրինակ ամենավտանգավոր հանցագործների մահապատիժը, որն, ի դեպ, ակտիվորեն կիրառվում է ԱՄՆ-ում և Չինաստանում»։