«Իմ քայլը» խմբակցության պատգամավոր Միքայել Զոլյանը ԱԺ-ում կառավարության հետ հարցուպատասխանի ժամանակ հարց ուղղեց վարչապետ Նիկոլ Փաշինյանին, կապված ԵՏՄ անդամ պետությունների, նաև` Իրանի ու Մոլդովայի ղեկավարների մասնակցությամբ միկրոավտոբուսում արված հայտնի «սելֆիի» հետ:
«Պատմելու ի՞նչ կա, հանել ենք, նկարվել ենք»,-ասաց Փաշինյանն ու շարունակեց. «Եթե նկատի ունեք միջավայրը, ապա ընդունված պրակտիկա է, որ երբ ղեկավարները միասին պետք է մի միջոցառման մասնակցեն, միևնույն տրանսպորտային միջոցով են տեղաշարժվում: Ոչ մի արտառոց բան տեղի չի ունեցել»։
Հարցին՝ ինչու Բելառուսի նախագահ Ալեքսանդր Լուկաշենկոն չկար սելֆիում, Փաշինյանն ասաց ասաց. «Նրա ընտանիքում որոշակի դժբախտություն էր պատահել, իհարկե՝ ոչ երեկ: Սգո միջոցառումն կար, որին պետք է մասնակցեր, դրա համար մի փոքր վաղ մեկնեց Հայաստանից»։
