ՀՀ վարչապետ Նիկոլ Փաշինյանի կոչից հետո 2 ժամվա ընթացքում հարյուրավոր փոխանցումներ են եղել Զինծառայողների ապահովագրության հիմնադրամին:
«Արմենպրես»-ի փոխանցմամբ՝ այս մասին Փաշինյանը գրել է «Ֆեյսբուքի» իր պաշտոնական էջում:
«Վերջին երկու ժամվա ընթացքում հարյուրավոր փոխանցումներ եղան Զինծառայողների ապահովագրության հիմնադրամին: Շնորհակալ եմ, սիրելի հայրենակիցներ: Սա ոչ միայն նյութական, այլեւ շատ ավելի մեծ բարոյական աջակցություն է մեր բանակին, մեր պետությանը»,- գրել է Փաշինյանը:
Վարչապետը կրկին խնդրել է ձեռնպահ մնալ բանակի համար որևէ գույք ձեռք բերելու նախաձեռնությունից:
«Այդ գույքի համար ծախսվելիք գումարը պարզապես փոխանցեք Զինծառայողների ապահովագրության հիմնադրամին, որի գործունեությունը լիարժեք թափանցիկ է, և գտնվում է օրենքով նախատեսված վերահսկողության ներքո»,- նշել է վարչապետը:
ՀՀ վարչապետ Նիկոլ Փաշինյանը բանակին օգնելու ցանկություն ունեցողներին՝ Զինծառայողների ապահովագրության հիմնադրամին գումար փոխանցելու կոչ էր արել մոտ երկու ժամ առաջ:
Աղբյուր՝ Արմենպրես
