Երեկվանից մամուլում տեղեկություններ են շրջանառվում, թե դեղատներում «Պարացետամոլ» դեղամիջոց գտնելը բարդ է: Ըստ այդ տեղեկությունների՝ դեղատներում նշված դեղամիջոցն ընդհանրապես չկա։
«Ինտերլուր»-ը շրջայց կատարեց Երևանի մի քանի դեղատներում՝ հասկանալու համար ընդհանուր պատկերը։ Որոշ դեղատներում «Պարացետամոլ»-ն առկա չէր, բայց որոշներում այն առկա էր, և աշխատակիցները մեզ հետ զրույցում նշեցին, որ դեղամիջոցը միշտ էլ պահանջված է, քանի որ ջերմիջեցնող է:
ՀՀ առողջապահության նախարարությունը հերքում է տարածված լուրերը, թե դեղատներում «Պարացետամոլ»֊ի դեֆիցիտ կա: «Արմենպրես»-ի հետ զրույցում ՀՀ առողջապահության նախարարությունից վստահեցրեցին, որ Հանրապետությունում պարացետամոլի խնդիր չկա:
