Ռուսաստանը չի պատրաստվում օկուպացնել Ուկրաինան և պատրաստ է բանակցությունների ցանկացած պահի, երբ ուկրաինացի զինվորականները վայր դնեն զենքերը։ Այդ մասին, ինչպես ՏԱՍՍ-ն է հաղորդում, ուրբաթ օրը հայտարարել է ՌԴ ԱԳ նախարար Սերգեյ Լավրովը Լուգանսկի իր գործընկեր Վլադիսլավ Դեյնեգոյի և Դոնեցկի ԱԳ նախարարի առաջին տեղակալ Սերգեյ Պերեսադայի հետ հանդիպումից հետո կայացած մամուլի ասուլիսում։
Մոսկվան, ընդգծել է Լավրովը, շահագրգռված է Ուկրաինային ազատել արևմտյան երկրների և տեղական «նեոնացիստների» «արտաքին վերահսկողության երկու մեխանիզմներից» և ապահովել, որ երկրի ժողովուրդները կարողանան որոշել իրենց ապագան առանց դրսի ճնշման։
