Մոսկվայում ԱՄՆ դեսպանատունն իր քաղաքացիներին խորհուրդ է տալիս անհապաղ մտածել Ռուսաստանից հեռանալու մասին, քանի դեռ առկա են հեռանալու կոմերցիոն տարբերակները: Այս մասին ասվում է Ռուսաստանում ԱՄՆ դեսպանատան կայքում կիրակի օրը հրապարակված հաղորդագրության մեջ։
«Ավելի շատ ավիաընկերություններ չեղարկում են թռիչքները դեպի Ռուսաստան, շատ երկրներ փակել են իրենց օդային տարածքը ռուսական ավիաընկերությունների համար: ԱՄՆ քաղաքացիները պետք է մտածեն անմիջապես Ռուսաստանից հեռանալու մասին՝ ներկայումս առկա կոմերցիոն տարբերակների միջոցով», - ասվում է տեքստում:
Դեսպանատունը հիշեցրել է, որ ԱՄՆ Պետդեպարտամենտը խորհուրդ է տվել իր քաղաքացիներին նաև չմեկնել Ռուսաստան։
