ՀՀ վարչապետ Նիկոլ Փաշինյանը ֆեյսբուքի իր էջում տեսանյութ է հրապարակել կորոնավիրուսից ապաքինվող Կարինե Զաքարյանի մասին: Ըստ Զաքարյանի, այս վիրուսը շատ է տանջում, սթրեսի ենթարկում:
«Հույս ունենանք՝ ամեն ինչ լավ կլինի, կլավանանք ու առաջվա նման կապրենք»,-ասում է կինը:
Հրապարակած տեսանյութին կից վարչապետը գրել է. «Կորոնավիրուսի դեմ պայքարը պետք է լինի մեզնից յուրաքանչյուրի առաջնային անելիքը: Ամեն մեկս մեր տեղում մեր լուման պետք է ներդնենք, հակառակ դեպքում սա չի հաղթահարվի: Ինքներս պահելով հակահամաճարակային կանոնները, ուրիշներին քաջալերելով, խնդրելով, հորդորելով նույնը անել:
Մենք պարտավոր ենք հաղթել, բայց մենք դա կարող ենք անել միասին»:
Աղբյուր՝ Հայկական Ժամանակ
