InterLur.com լրատվական գործակալությունը ՀՀ Ոստիկանության լրատվության բաժնից տեղեկացավ, որ հուլիսի 29-ին ոստիկանության Մասիսի բաժնի ծառայողները օպերատիվ տեղեկություններ էին ստացել, որ Արարատի մարզի Գետափնյա գյուղի 49-ամյա մի բնակիչ տան հողամասում կանեփ է աճեցնում, իսկ տանը պահում է բույսի չորացված զանգված։ ՀՀ Ոստիկանության հաղորդագրությունումմասավորապես ասվում է.
Քրեական հետախույզները, տեղեկությունը ստուգելու նպատակով, այցելել են նշված հասցե ու բաց դարպասից տեսել հողամասում աճած կանեփի բույսերը։ Այս փաստով նախապատրաստված նյութերով զննվել է տան տարածքն ու հայտնաբերվել 1-3 մետր բարձրության կանեփի 852 թուփ։
Տան բակի տարբեր հատվածներից հայտնաբերվել է նաև կանեփի մոտ 144 գրամ չորացված զանգված։
Հայտնաբերվածը վերցվել է փորձաքննության ուղարկելու համար։
Քննությունը շարունակվում է։
