Լոս Անջելեսի հայ համայնքը կրկին ցույցի էր դուրս եկել՝ ընդդեմ ադրբեջանական ագրեսիայի, նրանց սատարել են բազմաթիվ ամերիկացիներ: Տարածքում եղել են նաեւ ադրբեջանցիներ, որոնք տարածքը լքելիս հարձակվել են հայ աղջիկների վրա, կան տուժածներ, վիրավորներ:
Հիշեցնենք, որ Ադրբեջանի դեսպանատան մոտ հայերը բողոքի ցույցեր են իրականացնում արդեն մի քանի օր՝ ընդդեմ հայ-ադրբեջանական սահմանին Ադրբեջանի հրահրած ռազմական գործողությունների եւ սպառնալիքների:
Իրավիճակին անդրադարձել է Լոս Անջելեսի քաղաքապետ Էրիկ Գարեթսին՝ աջակցություն հայտնելով հայ համայնքին ու Հայաստանին:
«Մենք կանգնած ենք հայ համայնքի կողքին ու նրանց հետ ենք ընդդեմ բռնության: Ադրբեջանը պետք է վերջ տա իր սադրիչ և վտանգավոր սպառնալիքներին՝ Հայաստանի քաղաքացիական ատոմակայանին հարված հասցնելու մասին և պետք է ընդունի միջազգային դիտորդներին»,- նշել էր քաղաքապետը:
Աղբյուր՝ Հայկական Ժամանակ