Լոռու մարզում վարչապետի հրաժարականը շատ քիչ թվով մարդ է պահանջում: Այդ մասին կառավարության նիստից հետո լրագրողների հետ զրույցում նշեց Լոռու նորանշանակ մարզպետ Արամ Խաչատրյանը:
«Ձեր հարցից այնպիսի տպավորություն է, թե ամբողջ Լոռիում են պահանջում, բայց նման բան գոյություն չունի։ Վարչապետի հրաժարականը պահանջողները մոտավորապես 15-20 հոգի են, տեսախցիկներով պարզ ֆիքսել եմ», - InterLur.com լրատվական գործակալության փոխանցմամբ, ասաց Խաչատրյանը:
Միաժամանակ, մարզպետը հերքեց լուրերը, թե հակաիշխանական ցույցերը ցրելու արդյունքում է նշանակվել մարզպետի պաշտոնին։ «Նման բան տեղի չի ունեցել»,- ասաց նա:
Խաչատրյանը մարզպետի պաշտոնում նշանակվել է դեկտեմբերի 17-ին կառավարության նիստում:
