ՀՀ առաջին նախագահ Լևոն Տեր-Պետրոսյանը երեկ իր առանձնատանը հյուրընկալել է Ղրղզստանի Հանրապետության նախկին նախագահ Ասկար Ակաևին: Այս մասին «Ֆեյսբուք»-ի իր էջում հայտնել է առաջին նախագահի մամուլի խոսնակ Արման Մուսինյանը՝ հավելելով, որ Ակաևը Հայաստան է ժամանել Երևանի Հայ-Ռուսական համալսարանի հրավերով՝ վերջինիս պատվավոր դոկտորի կոչման շնորհման արարողությանը մասնակցելու և դասախոսությունների շարքով հանդես գալու առիթով:
«Տեր-Պետրոսյանը և Ակաևը շուրջ ութ տարի սերտորեն համագործակցել են, ինչպես ԱՊՀ, այնպեսև երկկողմ հարաբերությունների շրջանակում: Նրանց առանձնապես մերձեցրել է այն հանգամանքը, որ երկուսն էլ քաղաքականություն են եկել գիտությունից»,- նշել է Մուսինյանը:
