Վոլինի մարզի Լուցկ քաղաքում ավտոբուսի գրավման մասին հաղորդագրությունը Ուկրաինայի ոստիկանություն է ստացվել այսօր առավոտյան: Զոհերի և տուժածների մասին չի հաղորդվում ։ Մարզում ներդրվել է «Պատանդ» օպերատիվ պլանը, քաղաքի կենտրոնը փակ է ։

Ըստ վերջին տեղեկությունների, Ուկրաինայի Լուցկ քաղաքում ոստիկանությունը բանակցություններ է վարում 20 ուղեւորներով ավտոբուսը գրաված տղամարդու հետ։ Այս պահին իրավապահների առաջնահերթության մեջ երկխոսություն է: Այս մասին Facebook-ում հայտնել Է Ուկրաինայի ներքին գործերի փոխնախարար Անտոն Գերաշչենկոն: Լուցկ է ժամանել երկրի ՆԳ նախարար Արսեն Ավակովը։ Երկրի նախագահ Վլադիմիր Զելենսկին իրավիճակը պահում է անձնական հսկողության տակ, հայտարարվել է ՈՒԱԾ-ի «Բումերանգ» օպերատիվ պլանը: 

Ինչպես հաղորդում է ՈՒՆԻԱՆ-ը, զավթիչը երկու անգամ կրակել է ոստիկանության ուղղությամբ, որից հետո ավտոբուսից նռնակ է նետել, որը չի գործել։ Տղամարդը հրաժարվում է գնալ բանակցությունների։

Պարոն Գերաշչենկոն ասաց, որ առավոտյան 9:25-ին (ժամանակը համընկնում է Մոսկվայի ժամանակի հետ) հարձակվողը զանգահարել է ոստիկանություն և իրեն ներկայացրել որպես Մաքսիմ Պլոխոյ: Փոխնախարարը մեջբերեց հատված այն գրքից, որը ենթադրաբար գրվել է զավթիչի կողմից: Այն կոչվում է «Հանցագործի փիլիսոփայություն», որում հեղինակը նկարագրում է իր բանտում մնալը և հայտարարում, որ ինքը չի կարող չլինել հանցագործ:

Սոցցանցերի օգտատերերը եւ ԶԼՄ ներկայացուցիչները Telegram-ում գտել են ենթադրյալ զավթիչի ալիքը, որտեղ նա շնորհավորում է իր բաժանորդներին «Հակահամակարգային օրվա» կապակցությամբ եւ դատարաններից, նախարարություններից, դատախազություններից, խորհրդարաններից եւ էլիտաների այլ ներկայացուցիչներից պահանջում է տեսաուղերձ գրել, որում նրանք իրենց «օրենքով ահաբեկիչներ» են ճանաչում: Հակառակ դեպքում նա սպառնում է պայթեցնել մարդկանց։ Ինչպես հայտնել են տեղի բնակիչները Baza Telegram-ի ալիքին, Մաքսիմ Պլոխոյը եկել է Օդեսայից եւ հաշվառված է հոգեբուժարանում: Նա նաեւ հրապարակել է տեսագրություն, որտեղ նստած է զենքով եւ խոսում է «Հակահամակարգային օրվա» մասին:

Լրագրող Յուրի Բուտուսովը Facebook-ում հայտնել է, որ իրեն զանգահարել է մի տղամարդ, որը ներկայացել է որպես Մաքսիմ Պլոխոյ եւ պահանջել է տարածել իր պահանջները: Զավթիչը ցանկանում է, որ իր մոտ գան բոլոր լրագրողները։ Պարոն Բուտուսովը պատրաստ է մեկնել զավթիչի մոտ՝ պատանդների մի մասի ազատ արձակման դիմաց։

Աղբյուր՝ Kommersant.ru