Իջևանի ճգնաժամային կենտրոնում ճեպազրույցի ժամանակ կենտրոնի համակարգող Արծրուն Հովհաննիսյանին հարց ուղղվեց՝ կապված ռուսական լրատվամիջոցներից մեկին տված հարցազրույցի, հայկական կողմի գրաված դիրքի կամ բարձունքի մասին:
«Նախ ես դիրքի մասին ոչինչ չեմ նշել: Ռուս լրագրողի հարցը եղել է բարձունք գրավելու մասին, ես հստակ ասել եմ. կողմերց որևէ մեկը բարձունք չի գրավել:
Առաջին օրը, երբ որ սա քննարկվեց մեր մոտ, ես ասացի, որ չեմ մեկնաբանում: Եկեք փակագծերը չբացենք:
Ռուս լրագրողի հարցին՝ բարձունք, ես հենց բարձունք էլ պատասխանել եմ, քանի որ հարցն հենց այդ մասին էր:
Դիրքը բարձունք չէ, բարձունքը դիրք չէ, բայց ես փակագծերը չեմ բացի: Մենք չխանգարենք զինվորականներին կատարել իրենց հետագա աշխատանքը»,-պատասխանեց ռազմական փորձագետը:
Աղբյուր՝ Հայկական Ժամանակ