Երևանի Աբովյան փողոցում Opel մակնիշի մեքենա էր այրվում: Բարեբախտաբար վարորդը ժամանակին զգացել է մեքենայում տարածվող ծուխն ու շտապ կանգնեցրել մեքենան: Իջնելուց հետո մեքենան բռնկվել է: Հրշեջներին հաջողվեց կրակը հանգցնել, մեքենան գրեթե ամբողջությամբ այրվել էր, տուժածներ չկան:
Փետրվարի 19-ին, ժամը 15։06-ին Ճգնաժամային կառավարման ազգային կենտրոն տեղեկություն է ստացվել, որ Երևանի Աբովյան փողոցում այրվում է ավտոմեքենա։ Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ այրվում է «Opel Omega» մակնիշի ավտոմեքենա (վարորդ՝ Լ․ Գ․, ծնված 1958 թ․)։ Հրդեհը մեկուսացվել է ժամը 15։19-ին, մարվել՝ 15։27-ին։ Այրվել է ավտոմեքենայի սրահը, շարժիչի հատվածը և բեռնախցիկը՝ մասամբ։