Երեւանի՝ արդեն նախկին քաղաքապետ Հայկ Մարությանի եւ ՀՀ Ազգային ժողովի նախագահ Ալեն Սիմոնյանի՝ միմյանց հասցեին հնչեցրած մեղադրանքների ու վիրավորանքների ֆոնին համացանցում ակտիվորեն սկսվեց տարածվել «Կարգին հաղորդման» մի դրվագ, որտեղ երեք հոգի դագաղ են տեղափոխում, մեկն էլ պառկած է դրա մեջ: Դագաղում պառկածի դեմքը պարզ տեսանելի չէ:
Դրվագի տարածումը որոշ օգտատերերի կողմից նպատակ էր հետապնդում ցույց տալ, թե իբր Ալեն Սիմոնյանը ժամանակին խաղացել է Հայկ Մարությանի հումորային հաղորդաշարերում:
Ավելի ուշ պարզվեց, որ «Դագաղի ռազվարոտ» կոչվող տեսանյութում դագաղի մեջ պառկած տղամարդը դերասան Ռաֆայել Երանոսյանն է: Այդ մասին հաստատել է նաև ինքը Ռաֆայելը: Դերասանը հրապարակել է տեսանյութը և գրառում կատարել՝ մասնավորապես նշելով. «Ժողովուրդ, հա, ես եմ: Էլ մի գրեք, մի զանգեք ու գրազ մի եկեք»:
