ՀՀ-ում Բուլղարիայի դեսպանին ներկայացվել է հետպատերազմյան իրավիճակը և սահմանային իրադրությունը
▲ Դեպի վեր
  • Երեվան 21°C
    23%
    9 կմ/ժ
  • Շիրակ 16°C
    31%
    7 կմ/ժ
  • Լոռի 9°C
    95%
    9 կմ/ժ
  • Տավուշ 8°C
    92%
    5 կմ/ժ
  • Արարատ 22°C
    55%
    18 կմ/ժ
  • Սյունիք 14°C
    82%
    14 կմ/ժ
  • Արմավիր 22°C
    23%
    9 կմ/ժ
  • Գեղարքունիք 6°C
    92%
    14 կմ/ժ
  • Արագածոտն 20°C
    23%
    9 կմ/ժ
  • Կոտայք 18°C
    40%
    10 կմ/ժ
  • Արցախ 10°C
    99%
    8 կմ/ժ
:
  • Եվրո = 390.6002
  • Ռուբլի = 4.26173
  • Դոլար = 387.602

ՀՀ-ում Բուլղարիայի դեսպանին ներկայացվել է հետպատերազմյան իրավիճակը և սահմանային իրադրությունը

ՀՀ-ում Բուլղարիայի դեսպանին ներկայացվել է հետպատերազմյան իրավիճակը և սահմանային իրադրությունը

ՀՀ ԱԺ Հայաստան-Բուլղարիա բարեկամական խմբի ղեկավար Անուշ Բեղլոյանը հունվարի 21-ին հանդիպել է Հայաստանի Հանրապետությունում Բուլղարիայի Հանրապետության արտակարգ և լիազոր դեսպան Կալին Վասիլև Անաստասովի հետ:

Ողջունելով դեսպանին՝ Անուշ Բեղլոյանը հայ-բուլղարական հարաբերությունների զարգացման գործում կարևորել է խորհրդարանների բարեկամական խմբերի սերտ համագործակցությունը: Պատգամավորը խոսել է միջազգային տարբեր կառույցներում փոխգործակցության խորացման անհրաժեշտության մասին:

Բարեկամական խմբի ղեկավարը ներկայացրել է տարածաշրջանում առկա հետպատերազմյան իրավիճակը և մասնավորապես սահմանային իրադրությունը: Անուշ Բեղլոյանը խոսել է ՀՀ ինքնիշխան տարածք ադրբեջանական զինված ուժերի ներխուժման անթույլատրելիության մասին, այս հարցում կարևորել միջազգային հանրության և բարեկամ երկրների ընդգծված վերաբերմունքն ու գործուն քայլերը:

Բուլղարիայի դեսպանը նշել է, որ իրենք հետևում են տարածաշրջանում տեղի ունեցող գործընթացներին և կիսում են իրավիճակի վերաբերյալ ԵՄ դիրքորոշումը:

Կալին Վասիլև Անաստասովը խոսել է երկու երկրների և ժողովուրդների միջև առկա բերակամական հարաբերությունների և մշակութային ընդհանրությունների մասին: Դեսպանը երկկողմ կապերի ամրապնդման գործում կարևորել է Բուլղարիայի հայ համայնքի դերակատարությունը: Հյուրի խոսքով` համայնքն ակտիվ մասնակցություն ունի երկրի քաղաքական-հասարակական կյանքում:

Համաձայնելով, որ մի շարք ոլորտներում կա չօգտագործված մեծ ներուժ, կողմերը պատրաստակամություն են հայտնել քայլեր ձեռնարկելու նաև այդ ուղղությամբ:

Նշվել է, որ Սևծովյան տնտեսական համագործակցության խորհրդարանական վեհաժողովում կարևոր է երկրների համագործակցության ակտիվացումը՝ տարածաշրջանում տրանսպորտային և այլ տնտեսական համագործակցության ծրագրեր իրականացնելու նպատակով:

Թեմայի այլ նորություններ