ԱԺ հերթական նիստերին հաջորդող խորհրդարանական ճեպազրույցների ընթացքում ԱԺ «Պատիվ ունեմ» խմբակցության քարտուղար Հայկ Մամիջանյանն անդրադարձել է Սփյուռքում, մասնավորապես՝ Ուկրաինայում գտնվող մեր հայրենակիցների անվտանգության ապահովման հարցում իրականացվող քայլերին:
Հայկ Մամիջանյանն անընդունելի է համարել Սփյուռքի նախարարությունը Սփյուռքի գործերի գլխավոր հանձնակատարի ինստիտուտով փոխարինելու որոշումը: Պատգամավորն արձանագրել է, որ որեւէ կերպ չի տեսել Սփյուռքի հանձնակատարի ներգրավումն Ուկրաինայում ստեղծված իրավիճակով պայմանավորված մեր հայրենակիցների անվտանգության ապահովման, ինչպես նաեւ նրանց տեղափոխումն ապահովելու գործընթացում: Խմբակցության քարտուղարը նշել է, որ առաջիկայում Սփյուռքի գործերի գլխավոր հանձնակատարը պետք է հրավիրվի ԱԺ արտաքին հարաբերությունների մշտական հանձնաժողով՝ ներկայացնելու իր գործունեության արդյունքները, որից հետո ինքն առավել առարկայական կանդրադառնա այդ հարցին: