Ավստրալիայի Սիդնեյ քաղաքում ապրիլի 24-ին կանցկացվի արդարության երթ, որը հովանավորելու են Ավստրալիայում հայկական, ասորական ու հունական համայնքները։ Ինչպես տեղեկացնում է Ավստրալիայում Հայ դատի հանձնախումբը, երթի միջոցով նախաձեռնության հեղինակները պահանջելու են Ավստրալիայի վարչապետին և կառավարությանը ճանաչել հայերի, ասորիների և հույների ցեղասպանությունը։
«Ավստրալիայում շատ հայեր, ասորիներ ու հույներ Հայոց ցեղասպանությունից փրկվածների ժառանգներն են։ Մեզնից շատերը զգացել են Թուրքիայի ցեղասպանական, մերժողական քաղաքակության ուղղակի ազդեցությունը, և մենք դրա ականատեսը եղանք նաև 2020 թվականի Արցախյան պատերազմի ժամանակ»,- ասել է Ավստրալիայի Հայ դատի հանձնախմբի քաղաքական հարցերով ղեկավար Միքայել Քոլոքոսյանը։
Ամեն տարի անցկացվող երթը սովորաբար գրավում է հազարավոր մարդկանց ուշադրությունը, որոնք ևս միանում են երթին։ Ավտոբուսները շարժվելու են քաղաքի տարբեր տարածքներից։
