ԱԺ Լուսավոր Հայաստան խմբակցության անդամ Արկադի Խաչատրյանը ՀՀ փոխվարչապետ Տիգրան Ավինյանից ԱԺ այսօրվա նիստում հետաքրքրվեց, թե ՀՀ կառավարությունը քայլեր ձեռնարկե՞լ է արդյոք ձեռք բերելու Remdisivir կոչվող դեղամիջոցը, որը աշխարհում համարվում է կորոնավիրուսի բուժման համեմատաբար դրական ցունանիշներ արձանագրած դեղամիջոց:
Ավինյանը պատասխանեց. «Առողջապահության նախարարությունը իրականացրել է գնումը, դեղամիջոցը հասանելի չի լինելու դեղատներում, այլ օգտագործելու է կորոնավիրուսի բուժման նպատակով համապատասխան բժշկական կենտրոններում»:
Հիշեցնենք, որ Առողջապահության համաշխարհային կազմակերպությունը «Ռեմդեսիվիր»-ն անվանել է միակ դեղամիջոցը, որը փորձարկումների ընթացքում ապացուցել է իր արդյունավետությունը՝ կորոնավիրուսի դեմ պայքարում:
Աղբյուր՝ Հայկական Ժամանակ
