Հայաստանի որոշ շրջաններում ձյուն է տեղում: Հատկապես ձյան առատ տեղումներ կան Վանաձոր-Դիլիջան ճանապարհին:
ԱԻՆ-ը եւս հայտնում է այդ մասին՝ նշելով, որ Արագածոտնի մարզի Ապարան քաղաքում և Արագածի տարածաշրջանում ձյուն է տեղում։
Լուսանկարները՝ ՀԺ-ի:
Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են:
Նշվում է, որ երթևեկությունը դեպի Արցախ թույլատրվում է միայն Վարդենիս-Սոթք-Քարվաճառ ավտոճանապարհով։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ արտակարգ դրությամբ պայմանավորված, Ստեփանծմինդա-Լարս ավտոճանապարհը բաց է միայն բեռնատար տրանսպորտային միջոցների համար։
ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:
