Որպես զինվորական՝ ասեմ, որ առաջին հերթին հայ-ադրբեջանական սահմանագոտու բախումները մեր զինված ուժերին տվեցին փայլուն հաղթանակ։ Այս մասին այսօր Իջեւանի միասնական տեղեկատվական կենտրոնում ասաց կենտրոնի համակարգող Արծրուն Հովհաննիսյանը՝ անդրադառնալով հարցին, թե ի՞նչ տվեցին ՀՀ-ին հայ-ադրբեջանական սահմանագոտում եղած բախումները։
«Բայց կարող եմ ասել, որ ընդհանուր առմամբ մեր համաժողովրդական համախմբման, մեր պետական եւ զինվորական համակարգի կառավարման համակարգի աշխատանքի հղկվածության, զարգացման, կայացման, այս բոլոր առումներով մենք ունեցանք աճ, եւ չնայած ցավալի կորուստներին, նյութական ավերածություններին՝ մեր կամքն ու վճռականությունն ավելի ամրապնդվեցին»,- ասաց Հովհաննիսյանը։
Աղբյուր՝ Հայկական Ժամանակ
