Հանրային Խորհրդի նախագահ Ստյոպա Սաֆարյանը Ֆեյսբուքյան իր էջում գրառում է արել, որում դատապարտել և պահանջել է պատժել «Հեղափոխության պահապաններ» նախաձեռնության հիմնադիր-անդամ Հայկ Ստեփանյանի վրա իրականացված հարձակումը․
"Երեկ իմ էջում կատարված գրառման մեջ ակնարկել էի "սառը քաղաքացիական պատերազմից" "տաք փուլի" անցնելու վտանգի, երիտասարդներ հավաքագրելու մասին։ Կարելի է ասել, որ պալանավորված "քաղաքացիական բախումների" մեկնարկը տրված է։ Խստագույնս դատապարտում եմ Հայկ Ստեփանյանի դեմ կատարված հանցագործությունը և ակնկալում ոստիկանության, ԱԱԾ-ի ու քննչական մարմինների օպերատիվ ու անհապաղ արձագանքը։ Բռնությունը Հայաստանի Սահմանադրությամբ ամրագրված արժեքներին հակասող, ուստի՝ հակասահմանադրական, հակաիրավական ու հակաօրինական արարք է։ Բռնությունը տեղ չունի ու տեղ չպետք է ունենա Հայաստանում, հանցագործները պետք է արժանանան առավելագույն պատժի, բացահայտվեն 1-ից մինչև 40-րորդը։ Հայկ Ստեփանյանին մաղթում եմ շուտափույթ ապաքինում", - գրել է Հանրային Խորհրդի նախագահ Ստյոպա Սաֆարյանը
