Փաստացի մեկ-երկու ժամից կլրանա 24 ժամը , որ հրադադարը Տավուշի սահմանային գոտում պահպանվում է: Այլ հարց է, թե դա ինչով է պայմանավորված: Այն կարող ունենալ ինչպես ռազմական, այնպես էլ այլ բաղադրիչներ:
Այս մասին ճեպազրույցի ժամանակ ասաց ռազմական փորձագետ Արծրուն Հովհաննիսյանը՝ պատասխանելով հարցին, թե ինչով է պայմանավորված հակառակորդի տևական լռությունը:
«Մենք տարիների ընթացքում տեսել ենք ադրբեջանական զինված ուժերի կողմից տարատեսակ ու տարօրինակ լռություններ, որոնք նշանակել են պլանավորում կամ միտումնավոր ինչ-որ իրավիճակի ընտելացում, որպեսզի հաջորդ փուլում ինչ-որ սադրանքներ կատարվեն:
ՀՀ զինված ուժերը ամբողջովին վերահսկում են իրավիճակը, տիրապետում ամբողջ ինֆորմացիային: Դիտարկվում են, և տեսանելի է հակառակորդի թե ցամաքային, թե օդային ցանկացած գործողություն:
Հայկական կողմը պատրաստ է այդ սադրանքներին պատասխանելու, անհրաժեշտության դեպքում նաև շատ ցավոտ կանխարգելիչ հարվածներ հասցնելու»,-ասաց Արծրուն Հովհաննիսյանը:
Աղբյուր՝ Հայկական Ժամանակ
