Երևանի քաղաքապետարանի լրատվության վարչությունից հայտնում են, որ վաղը՝ դեկտեմբերի 25-ին Երևանի քաղաքապետի երդմնակալության արարողության կազմակերպման նպատակով տեղի կունենա Երևան քաղաքի ավագանու նիստ:

«Հիմք ընդունելով «Երևան քաղաքում տեղական ինքնակառավարման մասին» օրենքի 47-րդ հոդվածի 1-ին մասը և Երևան քաղաքի ավագանու 2009 թվականի հունիսի 18-ի N 1-Ն որոշմամբ հաստատված հավելվածի 124-րդ կետին համապատասխան՝ սույն թվականի դեկտեմբերի 25-ին՝ ժամը 11.00-ին Երևան քաղաքի ավագանու նստավայրում՝ քաղաք Երևան, Արգիշտիի փողոց հ.1 հասցեում Երևանի քաղաքապետի երդմնակալության արարողության կազմակերպման նպատակով տեղի կունենա Երևան քաղաքի ավագանու նիստ»,-ասված է հաղորդագրության մեջ:

Հրաչյա Սարգսյանն ընտրվել է Երևանի քաղաքապետ։ Երևանի ավագանու «Իմ քայլը» խմբակցությունը նախկին քաղաքապետ Հայկ Մարությանին անվստահություն էր հայտնել։