Երևանի քաղաքապետի առաջին տեղակալի պաշտոնում կառաջադրվի «Իմ քայլը» խմբակցության քարտուղար Լևոն Հովհաննիսյանը: Այս մասին լրագրողների հետ ճեպազրույցում ասաց Երևանի նորընտիր քաղաքապետ Հրաչյա Սարգսյանը:
«Նա ֆինանսական համակարգում բավական մեծ փորձ ունի,և վստահ եմ, որ այդ պաշտոնուիմ բավական մեծ աջակցություն է ցուցաբերելու մեր թիմին, և նպաստելու է Երևանի զարգամանը»,-ասաց Սարգսյանը:
Անդրադառնալով մինչ այս իրականացված բարեփոխումներին, Հրաչյա Սարգսյանն ասաց, որ ունի Երևանի առավել զարգացման իր տեսլականը, որը տեղավորվում է «Իմ քայլը» նախընտրական ծրագրում, և դա պետք է առաջ տանեն:
Հրաչյա Սարգսյանն արձանագրեց, որ իրականացվել են բարեփոխումներ, որոնք շարունակվելու են: Այս պահին ընթացքի մեջ է տրանսպորտային ոլորտի բարեփոխումը:
«Սա ինձ համար կարևոր է, քանի որ ես անձամբ եմ ղեկավարել այս ծրագիրը: Այն միայն ավտոբուսների ձեռքբերում չէ, այլ նաև երթևեկության ճիշտ կազմակերպումն է, նոր պարկերի ու ճանապարհների կառուցումն է: Այսինքն համալիր մոտեցում է պետք, որպեսզի կարողանանք տրանսպորտային խնդիրը լուծել: Իհարկե նաև վերահսկողությունը»,-ասաց քաղաքապետը:
Այլ մանրամասներ՝ տեսանյութում: