Այդ մասին ասված է Երևանի քաղաքապետարանի Ֆեյսբուքի էջում։
«Այս պահին Երևանի փողոցներում աշխատում է 43 միավոր հատուկ տեխնիկա, որից 38-ը ձյուն մաքրող, խոզանակող, աղ ու ավազ շաղ տվող, 3 ամբարձիչ և 2 ինքնաթափ: Ըստ անհրաժեշտության «Երևանի աղբահանություն և սանիտարական մաքրում» համայնքային հիմնարկը կավելացնի աշխատանքներում ներգրավված տեխնիկայի քանակը:
Մայրաքաղաքի բոլոր փողոցներն այժմ երթևեկելի են:
Երևանի քաղաքապետարանը հիշեgնում է, որ ձմռան ամիսներին պարտադիր է երթևեկել բաgառապես ձմեռային անվադողերով և չվտանqել ինչպես սեփական, այնպես էլ փողոgային երթևեկության մյուս մասնակիgների կյանքն ու առողջությունը»,-նշված է գրառման մեջ:
Նշենք, որ Հունվարի 4-ի երեկոյան ժամերին, 3-ի և 5-ի գիշերը Հանրապետության առանձին շրջաններում սպասվում է թույլ ձյուն: Ինչպես հայտնեցին ՀՀ ԱԻՆ-ից, հունվարի 3-ի ցերեկը, 4-ի գիշերը, 5-ի ցերեկը, 6-7-ը սպասվում է առանց տեղումների եղանակ: Լեռնային և նախալեռնային շրջաններում ճանապարհներին մերկասառույցը կպահպանվի: Քամին արևմտյան 2-5 մ/վ: Օդի ջերմաստիճանն էապես չի փոխվի:
Երևան քաղաքում հունվարի 3-ի գիշերը, 4-ի երեկոյան ժամերին հնարավոր է թույլ ձյուն: Հունվարի 4-ի գիշերը, 5-7-ը սպասվում է առանց տեղումների եղանակ: