ԱԺ նախագահ Ալեն Սիմոնյանը ընդդիմությանը մեղադրում է՝ ամեն ինչ անում են, որ Հայաստանը ներքաշեն պատերազմի մեջ։
«Որ խաղաղապահներին բերեք, հետո գաք ու ասեք, որ նախկին իշխանություններն այնպիսի վիճակ ստեղծեցին, որ հիմա, ուզած թե չուզած, մենք մենակով չենք կարողանալու ապահովել մեր անվտանգությունը»,- ԱԺ նիստում այս մասին հայտարարեց Սիմոնյանը։
Ըստ նրա՝ իշխանափոխության համար «որոշ մարդիկ պատրաստ են հոգիները վաճառել, որոշներն էլ արդեն վաճառել են, և ոչ միայն հոգիները»։
«Չի ստացվելու, չենք թողնելու, ես անձամբ չեմ թողնելու, որ Հայաստանը կորցնի իր անկախությունը։ Հայաստանը լինելու է հավերժ»,- նշեց Սիմոնյանը։
Նա ընդդիմադիներին կոչ արեց մանդատները վայր դնել։
«Դուք կարաք մանդատ դնե՞ք։ Իրար մեջ պաշտոնի համար էնքան կգզվռտվեք, մինչև եսիմ ուր կհասնի։ Մանդատ դրեք, արտահերթ ընտրություններ լինեն, կարանք տասը ամիսը մեկ տանենք ձեզ արտահերթ ընտրությունների՝ հաղթենք, բերենք»,- ասաց Ալեն Սիմոնյանը։
«Ժողովրդին գժի, էշի տեղ մի դրեք»,- նշեց ԱԺ նախագահը։
