Չինարի գյուղի բնակիչ Արամայիս Հովակիմյանի վիճակը կայուն է, տեղափոխվում է Երեւան, կյանքին վտանգ չի սպառնում։ Այս մասին այսօր Իջեւանի միասնական տեղեկատվական կենտրոնում հայտարարեց կենտրոնի համակարգող Արծրուն Հովհաննիսյանը։
Նա հավելեց, որ վերջինս 11-12 տոկոս այրվածքներ ունի։ Հովհաննիսյանը նաեւ նշեց, որ այս տեղեկությունը ստացել է երեկ ուշ երեկոյան։
Անդրադառնալով Արցախի վիճակին՝ Հովհաննիսյանն ասաց, որ ընդհանուր առմամբ այնտեղ եւս նույն վիճակն է. հրաձգային զենքերից են կրակել, կիրառվել են նաեւ մեծ տրամաչափի գնդացիրներ, բայց ընդհանուր առմամբ լարվածություն չկա։
Աղբյուր՝ Հայկական Ժամանակ
