Բրիտանական Բիրմինգհեմ քաղաքում Պաղեստինին աջակցող ակտիվիստը մտել է McDonald's արագ սննդի կետ ու ներսում ազատ արձակել տասնյակ մկների՝ ներկված Պաղեստինի դրոշի գույներով՝ կարմիր, կանաչ, սպիտակ և սև:
Ինչպես գրում է Daily Mail-ը, տղամարդը կրծողներին ազատ է արձակել մեծ տուփից: Կենդանիները սկսել են արագ վազվզել հատակով՝ վախեցնելով հաճախորդներին:
Նշվում է, որ տղամարդը գլխին փաթաթած է եղել Պաղետսինի դրոշը, նա անընդհատ բղավել է.«Ազատ Պաղեստին»: Նա նաև կոչ է արել «բոյկոտել Իսրայելը» և «գրողի ծոցն ուղարկել Իսրայելը»:
Տեսանյութի վերջում ակտիվիստը կոչ է արել նաև «բոյկոտել McDonald's-ը, Starbucks-ը և Disney-ը՝ Իսրայելին աջակցություն ցուցաբերելու համար»։
McDonald's-ը իր հերթին հայտարարել է սննդի կետը «ամբողջովին ախտահանվել է» մկների հեռացումից հետո:
