2020թ․ Բարձր տեխնոլոգիաների ոլորտում բավականին հետաքրքիր թվեր և առաջընթաց է գրանցվել։ ԲՏԱ ոլորտն աճել է երկնիշ ցուցանիշներով։ 

Այս մասին փետրվարի 9-ին տեղի ունեցած ՀՀ բարձր տեխնոլոգիական արդյունաբերության նախարարության 2020թ. ամփոփիչ մամուլի ասուլիսի ընթացքում ասել է նախարար Հակոբ Արշակյանը։ 

«Նախարարությունը նախորդ տարի լիարժեքորեն իրագործել է իր պլանավորած և ռազմավարությամբ նախատեսված մի քանի ծրագրեր։ Իհարկե, Կորոնավիրուսն ու պատերազմն, որոշ առումներով, այս ծրագրերի իրագործմանը խոչընդոտ են հանդիսացել, այնուամենայնիվ, կատարվածը՝ թվերի տեսքով ամփոփելով, արձանագրվել է հետևյալը. 2020թ․ ԲՏԱ ոլորտն աճել է երկնիշ ցուցանիշներով։ Տեխնոլոգիական ընկերությունների շրջանառությունն աճել է 20.6 %-ով և կազմել շուրջ 198 մլրդ դրամ։ 22%-ով աճել է նաև ոլորտում ներգրավված աշխատակիցների թիվը՝ հասնելով 18.747-ի։ Ակտիվ ընկերությունների թիվը նույնպես աճել է՝ հասնելով 1228-ի»,- ընդգծել է գերատեսչության ղեկավարը։