«Բանակին նոր համազգեստ է պետք»,- ԱԺ պաշտպանության և անվտանգության հարցերի մշտական հանձնաժողովի նիստում այսօր հայտարարեց հանձնաժողովի նախագահ Անդրանիկ Քոչարյանը:
Քոչարյանը նշեց, որ համազգեստը կրող մարդը շատ կարևոր է. «Բայց, երբ առաջնային նայում ես, մինչ մարդու հետ շփվելը, համազգեսն իր մեջ ինչ-որ լիցք է պարունակում: Ոչ միայն տոնական համազգեստը, ամեն ինչ պետք է ինչ-որ նոր երանգ ունենա: Տարբերանշանները փոխել ենք ինչ-որ չափով, բայց դեռ հնի հոտը գալիս է: Ռուսաստանը ամբողջը փոխել է, անընդհատ փոխում է, լավացնում է, դարձնում է ավելի պրակտիկ ու ցանկալի: Այդ ցանկալիությունը պետք է արտացոլվի նաև համազգեստի միջոցով»:
Քոչարյանը նիստի ընթացքում ևս մեկ անգամ ընգծեց, որ Հայաստանում սկսվել են զորավարժություններ. «Զորավարժությունները պետք է անցկացնել պատվով: Այն առաջին հերթին պետք է ցույց տա, որ մենք ԶՈՒ-ն իրականանցնում է իր մարտական խնդիրը: Որքան էլ փորձեն ԶՈՒ-ին շեղել այդ խնդրից, չի ստացվելու և չի ստացվել: Բանակը միայն սպայական կազմի մի մասը չէ, բանակն ավելի ընդգրկուն համակարգ է: Բանակի տերը ժողովուրդն է: Չի կարող որևէ մեկը սեփականաշնորհման ցանկություն ունենալ, դրվագներ եղել են, բայց այլևս այդպիսի բան չի լինի»:
