Ազգային ժողովի պատգամավոր Սերգեյ Բագրատյանը քրեական գործի շրջանակում հարցաքննվել է: Տեղեկությունը ՀԺ-ի հետ զրույցում հաստատեց Դատախազության հանրային կապերի բաժնի պետ Արեւիկ Խաչատրյանը: Բագրատյանն ունի վկայի կարգավիճակ: Թե որ գործի շրջանակում է նա հարցաքննվել, եւ որ նախաքննական մարմնում է այն քննվում, այս պահին չեն մանրամասնում:
Հիշեցնենք՝ Բագրատյանը երեկ տեղեկացրեց, որ դուրս է գալիս «Բարգավաճ Հայաստան» խմբակցությունից: Խմբակցության քարտուղար Արման Աբովյանը մեր զրույցում ասաց, որ այս ընթացքում որեւէ կոնֆլիկտ չի եղել, իսկ Բագրատյանի որոշման մասին իմացել է համացանցից։ Հարցին, թե վերջին շրջանում այս թեմայի շուրջ եղե՞լ է խոսակցություն, Աբովյանը բացասական պատասխան տվեց: