Դեկտեմբերի 8-ից մեկնարկած «Կրթությունն ու ժառանգությունը աստղագիտության մեջ Մեծ տվյալների դարաշրջանում» խորագիրը կրող գիտաժողովը մոտենում է ավարտին։
Համավարակով պայմանավորված, այն անցկացվում է առցանց։ Այս մասին տեղեկացնում է Բյուրականի աստղադիտարանը:
Գիտաժողովին մասնակցում է 653 մասնակից 79 երկրից, որոնցից 5-ը ներկայացնում են Հայաստանը՝ ՀՀ ԳԱԱ Վ. Համբարձումյանի անվ. Բյուրականի աստղադիտարանի(ԲԱ) տնօրեն Արեգ Միքայելյանը, գիտաշխատող Մարիետտա Գյուլզադյանը, կրտսեր գիտաշխատող Գոռ Միքայելյանը, կրտսեր գիտաշխատող Սոնա Ֆարմանյանը, Արմինե Փաթաթանյանը:
