Միջազգային
Թռչունների միջազգային օրը (International Bird Day)
- Թռչունների պահպանության մասին միջազգային կոնվենցիան ստորագրվել է 1906թ. ապրիլի 1-ին: Մասնագետները հաշվել են, որ 1600թ.-ից հետո թռչունների մոտ 100 տեսակ անհետացել է մոլորակից: Ներկայում էլ թռչունների շատ տեսակներ կանգնած են անհետացման շեմին կամ էլ լավագույն դեպքում զգում են անհետացման վտանգը: Շատ երկրներ չվող թռչունների պահպանման վերաբերյալ ունեն օրենքներ և մասնակցում են միջազգային համաձայնություններին: Բնապահպանները գտնում են, որ թռչունների համար լուրջ վտանգ են ոչ թե որսորդները, այլ երկնաքերերը, հեռուստաաշտարակները և այլ բարձրահարկ շինությունները, որոնք մահացու արգելքներ են չվող թռչունների համար: Խնդիր է նաև շրջակա միջավայրի աղտոտվածությունը, այդ թվում ջրային տարածքներում նավթի արտահոսքը, որը շատ հաճախ կործանարար է լինում հատկապես ջրլող թռչունների համար: Նշենք, որ Հայաստանում գրանցված է թռչունների մոտ 350 տեսակ, մասնագետների համոզմամբ, թռչունների 110 տեսակը երկրում վտանգված է:
Ծիծաղի օր կամ հիմարների օրը (April Fools' Day / All Fool's Day)
- Այս տոնի ժամանակ մարդիկ ծաղրում են իրենց ընկերներին և ծանոթներին, կամ պարզապես կատակում են նրանց հետ։ Ավանդաբար այնպիսի պետություններում և երկրներում, ինչպիսիք են Նոր Զելանդիան, Իռլանդիան, Մեծ Բրիտանիան, Ավստրալիան և Հարավաֆրիկյան Հանրապետությունը, կատակում են մինչև կեսօր, իսկ նրանք, ովքեր կատակում են կեսօրից հետո, կոչվում են «ապրիլյան հիմարներ»։
- Նույն համատեքստում Ապրիլի 1-ը նշվում է նաև որպես Խաբելու օրը: Տարբեր երկրներում այն տարբեր կերպ է անվանվում. ԱՄՆ-ում՝ April Fool's Day, Ռուսաստանում՝ «Первое апреля - никому не верю»: Մինչ օրս հայտնի չէ, թե որտեղից են գալիս տոնի արմատները, երբ, որտեղ և ինչու են անցկացվել տոնախմբությունները: Հայտնի է միայն, որ Եվրապայում այն սկսել են նշել Միջին դարերից: Դա հասարակ ժողովրդի տոն էր, և վերնախավը հազվադեպ էր մասնակցում (քանի որ հասարակ ժողովուրդը գրառումներ չէր անում իր անցկացրած օրերի մասին, ուստի դժվար է պարզել տոնի արմատները): Այս օրը բոլորը միմյանց սուտ պատմություններ են պատմում, ծաղրում, կատակում:
Կրոնական և ժողովրդական
Առաքելական (Հայաստան) - Ավագ Հինգշաբթի
- Ավագ հինգշաբթի օրը պատկերն է արարչության հինգերորդ օրվա, երբ Արարիչը ստեղծեց ձկներին ու թռչուններին: Այս օրը հինգերորդ ժամանակաշրջանի խորհուրդն ունի, երբ Իսրայելի զավակները կերան զատկական գառը, մկրտվեցին ամպի ու ծովի մեջ, անապատում կերան երկնքից իջած մանանան և ըմպեցին վիմաբուխ աղբյուրից (Ելք 12, 14, 16, 17):
- Ավագ հինգշաբթի օրը Տերը գալիս է Վերնատուն, որը Եկեղեցու օրինակն է, այնտեղ ուտում զատկական գառը, լվանում է Իր աշակերտների ոտքերը, նրանց հաղորդ դարձնում Իր Մարմնին ու Արյանը՝ այսպիսով հաստատելով Ս. Հաղորդության խորհուրդը, իսկ գիշերը ելնում է Ձիթենյաց լեռ, Իր աստվածային գլուխը գետին խոնարհելով՝ աղոթում Հորը և ապա ձերբակալվում (Մատթ. 26:17-46): Տերը նախ լվաց աշակերտների ոտքերը, ապա տվեց Իր Մարմինն ու Արյունը՝ կամենալով նախ սրբել նրանց ադամական մեղքից և հետո տալ Ս. Հաղորդության խորհուրդը:
- Առավոտյան եկեղեցիներում մատուցվում է Ս. Պատարագ: Կատարվում է Ոտնլվայի արարողություն: Քրիստոս վերջին ընթրիքից հետո, ցուցաբերելով ճշմարիտ հեզության ու խոնարհության օրինակ, լվանում է Իր աշակերտների ոտքերը: Այդպես էլ Հայ եկեղեցում Տիրոջ այս օրինակով քահանան եկեղեցու խորանին ծնկաչոք լվանում է 12 մանուկների կամ եկեղեցու սպասավորների ոտքերը և օծում օրհնված յուղով: Ավագ հինգշաբթի երեկոյան կատարվում է Խավարման կարգ, որը վերաբերում է Ավագ Ուրբաթին՝ խորհրդանշելով Տիրոջ խաչելությունն ու թաղումը: Արարողության ընթացքում ավետարանական ընթերցումները հիշեցնում են Հիսուսի աղոթքը Գեթսեմանի պարտեզում, Հիսուսի մատնությունը, Նրա անարգվելը, Պետրոսի ուրանալը:
- Ավագ հինգշաբթի օրը, երբ Տերը Վերնատանը նստեց Իր աշակերտների հետ, խորհրդանշում է Քրիստոսի՝ Իր փառքի աթոռին նստելն Իր տասներկու աշակերտների հետ:
- Այս տոնը հանդիպելու է հետևյալ ամսաթվերին՝ 2022-04-14, 2023-04-06, 2024-03-28, 2025-04-17, 2026-04-02, 2027-03-25, 2028-04-13, 2029-03-29, 2030-04-18.
Ազգային
Հայաստան - Երգիծանքի և հումորի օրը
- ՀՀ կառավարության 2006թ. փետրվարի 16-ի հատուկ որոշմամբ՝ ապրիլի 1-ը պետականորեն ճանաչվել է որպես հումորի և երգիծանքի օր: Այս տոնի առաջացման մի քանի տարբերակ կա։ Հին Հռոմում, օրինակ, եղել է «Հիմարների» տոն, որը նշվել է փետրվարի կեսերին, իսկ Հին Հնդկաստանում մարտի 31-ին նշվել է Կատակների օրը։ Հին իռլանդացիներն էլ Նոր տարին նշում էին հենց ապրիլի առաջին օրը։
Այլ
Միջազգային
- Ժանյակագործության միջազգային օրը (International Tatting Day)
- Հանածոյի օրը (Fossil Fools Day)
- Կոնյակի ծննդյան օրը
- Դոլարի ծննդյան օրը
- Ուտելի գրքի օրը (Edible Book Day)
Կրոնական և ժողովրդական
- Ասորական - Նոր Տարի (Kha b-Nisan)
- Կաթոլիկություն - Ավագ հինգշաբթի
- Ուղղափառություն - Խրիսանֆի և Դարիայի նահատակների և նրանց հետ նահատակվածների հիշատակը
- Ուղղափառություն - Արքայադուստր Սլուցկայայի՝ Արդար Սոֆիայի հիշատակը
- Սլավոնական - Կեղտոտ Դարյա
- Սլավոնական - Տնային ոգու արթնացման օրը
Ազգային
- ԱՄՆ - Մեկ ցենտի ազգային օրը (National One Cent Day)
- ԱՄՆ - Հույսի ազգային օրը (National Day of Hope)
- ԱՄՆ - Հափշտակությամբ ընթերցանության օրը (Reading is Funny Day)
- ԱՄՆ - Քայլի ազգային օրը (National Walking Day)
- ԱՄՆ - Թթխմորով հացի ազգային օրը (National Sourdough Bread Day)
- ԱՄՆ - Պարապրոֆեսիոներին երախտագիտություն հայտնելու օրը (Paraprofessional Appreciation Day)
- ԱՄՆ - Սոյլընթ-գրին խորտիկների ազգային օրը (National Soylent Green Day)
- ԱՄՆ - Գրադարանում ակնթարթային լուսանկարների օրը (Library Snapshot Day)
- ԱՄՆ - Բումեր բոնուսի օրը (Boomer Bonus Days)
- Բրազիլիա - Խաբելու օրը (Day of lies)
- Թաիլանդ - Հանրային ծառայության օրը (Civil Service Day)
- Թուրքիա - Ստամբուլի կակաչների փառատոնը (Istanbul Lale Festivali)
- Իրան - Իսլամական Հանրապետության օրը (Islamic Republic Day)
- Կիպրոս - Կիպրոսցի հույների ազգային օրը (Greek Cypriot National Day)
- Հարավային Աֆրիկա - Ընտանիքի օրը
- Ճապոնակա - Միյակո Օդորի՝ գեյշաների պարի փառատոն (Miyako Odori)
- Մալթա - Ազատության օրը
- Շոտլանդիա - Կկվի օրը (Cuckoo Day)
- Չինաստան - Սուրճի ազգային օրը (National Coffee Day)
- Պորտուգալիա - Խաբելու օրը (Day of lies)
- Ռուսաստան - Մաթեմատիկայի օրը
- Ռուսաստան - Սնուսմումրիկի վերադարձի օրը
- Սան Մարինո - Ռեգենտների կապիտանների ինվեստիտուրայի արարողության օրը (Investiture of the Captains Regents)
- Տանզանիա - Ծառատունկի օրը (National Tree Planting Day)
ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ
2013 - «Google» ընկերությունն ապշեցրել է օգտվողներին՝ գործարկելով իր «Google Nose» ծառայությունը, որն իբր թե կարող է հոտ հանձնել անմիջապես այն սարքին, որով աշխատում է օգտագործողը։
- Գովազդային հոլովակը նույնիսկ հայտնվել է ընկերության պաշտոնական յություբյան ալիքում։ Օգնության կամ պարզաբանման համար անհրաժեշտ էր սեղմել «Օգնություն» կոճակը, որտեղ բացատրության վերջին արտահայտության հայտնում էր․ «Շնորհավոր ապրիլի մեկ»։
2009 - Խորվաթիան և Ալբանիան միացան ՆԱՏՕ-ին:
2004 - «Google» ընկերությունը բացեց իր Gmail էլեկտրոնային փոստը:
1996 - «Taco Bell» ընկերությունը հայտարարում է, որ գնել է «Ազատության զանգը»՝ ազգային պարտքը կրճատելու նպատակով և այն վերանվանվել է «Տակո Ազատության զանգ»՝ The Taco Liberty Bell։
- «Ազատության զանգը» համարվում է ԱՄՆ անկախության պատերազմի խորհրդանիշներից մեկը, գտնվում է ԱՄՆ Փենսիլվանիա նահանգի Ֆիլադելֆիա քաղաքում և չէր կարող վաճառվել։ Սակայն հետո պարզվում է, որ այն եղել է ապրիլմեկյան կատակ։
1993 - Հայկական ստորաբաժանումները շեշտակի գրոհով ազատագրեցին Քելբաջար քաղաքը և դուրս եկան Օմարի լեռնանցք:
1993 - Լույս տեսավ ՀՀ պաշտպանության նախարարության «Զինվոր» («Հայ զինվոր») պաշտոնաթերթի առաջին համարը:
1976 - Սթիվ Ջոբսը և Սթիվ Վոզնյակը հիմնեցին Apple համակարգիչներ և այլ կազմ. տեխնիկա արտադրող ամերիկյան «Apple Computer» ընկերությունը:
1957 - «BBC» ընկերությունն Իտալիայում հրապարակում է մակարոնի չտեսնված առատ բերքի մասին ռեպորտաժ։
- Ընկերությունն ստանում է բազմաթիվ պատասխան նամակներ. ինչ-որ մեկը զարմացել է, որ մակարոնն աճում է, ոչ թե հորիզոնական, այլ ուղղահայաց, ինչ-որ մեկը խնդրել է տնկիներ ուղարկել, և միայն քչերն են մի փոքր շփոթվածություն արտահայտել, քանի որ մինչ այժմ նրանք վստահ էին, որ մակարոնը պատրաստված է ալյուրից: Սա ընդամենը ապրիլմեկյան կատակ է եղել։
1915 - Առաջին համաշխարհային պատերազմի վճռորոշ պահին, գերմանական ճամբարի վրա հայտնվում է բրիտանական ինքնաթիռ և նետում հսկայական մի ռումբ:
- Գերմանացիները փախուստի են դիմել, սակայն պայթյուն չի եղել։ Ռումբի վրա գրված էր «Շնորհավոր ապրիլի մեկ» մակագրությունը։
1875 - Անգլիական Times-ը դառնում է աշխարհի առաջին պարբերականը, որը ամբողջ շաբաթվա եղանակային տեսություն է հրապարակում։
1967 - Մոսկվայում տեղի ունեցավ «Կովկասի գերուհին» սիրված ֆիլմի պրեմիերան:
1938 - Լուծվող սուրճը մեծ տարածում ձեռք բերեց:
1920 - Սկսվեց Հաճընի հերոսամարտը, Հաճըն քաղաքի ինքնապաշտպանական մարտերը թուրքական զորքերի դեմ:
1890 - Բելգիացի Շառլ Վան Դեպուլեն ԱՄՆ-ում արտոնագրում է առաջին տրոլեյբուսը:
1889 - Չիկագոյում վաճառքի է հանվում Ժոզեֆինա Քոքրեյնի ստեղծած ափսեների լվացման մեքենան:
1778 - Նյու Օռլեանցի բիզնեսմեն Օլիվեր Փոլոքը հորինում է դոլարի նշանը՝ $` xոլարի ծննդյան օրը:
1748 - Պոմպեյ քաղաքում սկսվեցին պեղումներ:
1396 - Լենկ-Թեմուրը Ալանաց դռնով վերադառնում է Անդրկովկաս:
ԾՆՎԵԼ ԵՆ
1979 - Էլիզաբեթ Գութիերեզ, մեքսիկացի ծագումով, ամերիկյան դերասանուհի և մոդել
1976 - Կլարենս Զեեդորֆ, հոլանդացի նախկին կիսապաշտպան, ֆուտբոլային մարզիչ
1968 - Ջուլիա Բուտրոս, լիբանանցի երգչուհի
1946 - Օլեքսանդր Իվանի Բոժկո, ուկրաինացի դիվանագետ, թարգմանիչ, հայագետ, հայ գրականության թարգմանիչ, 1996-2001, 2005-2010 թվականներին՝ Հայաստանում Ուկրաինայի արտակարգ և լիազոր դեսպա
1934 - Վլադիմիր Պոզներ, ռուս հեռուստալրագրող, հաղորդավար
1933 - Բարսեղ Թուղլաճյան, հայ բանասեր, բառարանագիր
1932 - Ժորժ Կարվարենց, հայկական ծագմամբ ֆրանսիացի երգահան
1930 - Խորեն Աբրահամյան, անվանի դերասան և ռեժիսոր
- Հայտնի ֆիլմերն են «Սարոյան եղբայրներ», «Առաջին սիրո երգը», «Երկունք», «Տերը», «Մենք ենք, մեր սարերը», «Ապրեցեք երկար», «Երևանյան օրերի խրոնիկա»։
1921 - Անդրե Ստիլ, ֆրանսիացի գրող, հրապարակախոս
1920 - Գևորգ Ջահուկյան, հայ լեզվաբան
1920 - Տոսիրո Միֆունե, ճապոնացի դերասան, հայտնի է առավելապես Ակիրա Կուրոսավայի ֆիլմերից
1918 - Արև Բաղդասարյան, հայ երգչուհի և պարուհի
1899 - Ռուբեն Սիմոնով, դերասան, ռեժիսոր
1887 - Լեոնարդ Բլումֆիլդ, լեզվաբանության հիմնադիրներից մեկը, ամերիկյան լեզվաբանական ընկերության նախագահ (1935-ից)
1878 - Արազի (Մովսես Հարությունյան), հայ գրող
1873 - Սերգեյ Ռախմանինով, ռուս կոմպոզիտոր
1868 - Էդմոն Ռոստան, նեոռոմանտիկական ուղղության ֆրանսիացի պոետ և դրամատուրգ
1815 - Օտտո ֆոն Բիսմարկ, Գերմանիայի առաջին կանցլեր
1809 - Նիկոլայ Գոգոլ, արձակագիր, դրամատուրգ, բանաստեղծ, ռուս գրականության դասական
- Հայտնի գործերն են «Մեռած հոգիներ», «Տարաս Բուլբա» վեպերը, «Ռեվիզոր» ու «Ամուսնություն» կատակերգությունները, «Քիթը», «Շինելը», «Վիյը» և այլ պատմվածքներ։
1657 - Ավետիք Եվդոկացի, գրիչ