Շիրակի մարզի Արթիկ քաղաքում հիմնվող Միասնական սոցիալական ծառայության տարածքային կենտրոնի վերանորոգման աշխատանքներն ակտիվ փուլում են:

Կենտրոնը, որի շահագործումը նախատեսվում է 2022 թ. սեպտեմբերին, մեկ հարկի տակ մեկ պատուհանի սկզբունքով սոցիալական ծառայություններ կմատուցի համայնքի շուրջ 24000 շահառուներին: Կենտրոնը գործելու է միասնական ընդունարանի սկզբունքով:

Միասնական ընդունարաններում (front office) մեկ պատուհանի սկզբունքով շահառուների դիմումներն ընդունելու, այնուհետև հետին գրասենյակներում (back office) բոլորովին այլ մասնագետների կողմից դրանք մշակելու և ընթացքավորելու մեխանիզմն ու գործընթացը լիովին բացառելու են կոռուպցիոն գործոնը՝ ապահովելով հնարավորինս հասանելի ու արագ սոցիալական ծառայությունների մատուցում։