Մեղրիի սահմանների պաշտպանության նպատակով կամավորների հավաքագրման կոչից հետո «Ա1+»-ը շրջեց քաղաքի փողոցներում՝ հասկանալու մարդկանց տրամադրությունները։
Հարցված բոլոր քաղաքացիները վստահեցրին՝ Մեղրիում խուճապային տրամադրություններ չկան, անհրաժեշտության դեպքում, իհարկե, կին թե տղամարդ, պատրաստ են լծվել հայրենիքի սահմանների պաշտպանության գործին։
«Մարդիկ գնում են իրենց աշխատանքին, գալիս, եթե հարց լինի, պատրաստ ենք ամեն ինչի»,-նշեց հարցված քաղաքացիներից մեկը։
Մի քանիսն էլ հորդորեցին բոլորին «արխային լինել, մեղրեցիները չիր են պատրաստում, իրենց այգին ու մրգերը մշակում».
«Պոստ պաշտպանողը պոստա պաշտպանում, հողամասում աշխատողը հողամասում է աշխատում»,- նշեց Մեղրիի մեկ այլ բնակիչ՝ հավելելով, որ խուճապային կամ լարված տրամադրություն քաղաքում չկա։
