Արցախում հաստատվել է կորոնավիրուսային հիվանդության 4 նոր դեպք. 3-ը Ստեփանակերտում հաստատված օջախի կոնտակտավորներ են, 1 քաղաքացու մոտ էլ վարակը հայտնաբերվել է «Աղավնոե հսկիչ անցագրային կետում իրականացված ՊՇՌ նմուշառման հետևանքով: Այս մասին InterLur.com լրատվական գործակալությունը տեղեկացավ Արցախի Հանրապետության Առողջապահության նախարարության լրատվության բաժնից։ Տարածված հաղորդագրությունում մասնավորապես ասվում է․
Առայսօր, COVID-19-ը ախտորոշվել է 232 մարդու մոտ, որից 162-ը հաղթահարել է հիվանդությունը: Փաստացի բուժում է ստանում 69, ընդհանուր մեկուսացված է 125 քաղաքացի: Թեստավորումների նպատակով 318 նմուշառում է իրականացվել: Մինչ այսօր իրականացվել է 5 519 փորձանմուշի հետազոտություն:
