ՊԲ բանակի հակաօդային պաշտպանության ստորաբաժանումների կողմից  հյուսիս-արևելյան ուղղությամբ հակառակորդի ԱԹՍ-ի խոցումն արդյո՞ք նշանակում է, որ մարտերը տեղափոխվում են Արցախ:

Իջևանի ճգնաժամային կենտրոնում ճեպազրույցի ժամանակ ռազմական փորձագետ, կենտրոնի համակարգող Արծրուն Հովհաննիսյանն ասաց, մինչ այս էլ Արցախի ուղղությամբ ԱԹՍ-ներ խոցվում էին:

«Արցախում ԱԹՍ խոցելը որևէ կերպ չի կարող լինել հանգամանք, որը նշանակի, թե մարտերը տեղափոխվել են Արցախ: Արցախի ուղղությամբ առանց այս մարտերի էլ ԱԹՍ-ներ խոցվում են:

Բայց ասել, որ չի տեղափոխվի Արցախի սահման, իհարկե, այդպես էլ չէ: ԱԹՍ-ն ցուցիչ չէ, բայց ամեն դեպքում դա ընդհանուր առմամբ, բացառել էլ չի կարելի»,-ասաց Հովհաննիսյանը:

Հիշեցնենք, որ հուլիսի 18-ին՝ ժամը 06:38-ի սահմանում  պաշտպանության բանակի հակաօդային պաշտպանության ստորաբաժանումները հյուսիս-արևելյան ուղղությամբ խոցել են հետախուզական թռիչք իրականացնող հակառակորդի «ORBITER-3» տիպի անօթաչու թռչող սարք:

Աղբյուր՝ Հայկական Ժամանակ