Համավարակի տարածումը կանխարգելելու նպատակով Արաբկիր վարչական շրջանի բազմաբնակարան շենքերում իրականացվում են ախտահանման աշխատանքներ։ Բազմաբնակարան շենքերի ընդհանուր օգտագործման տարածքների հետ կապված պարտադիր նորմերի, այդ թվում՝ ախտահանման աշխատանքների իրականացումը վերապահված է շենքերն սպասարկող համատիրություններին։ Ստեղծված իրավիճակով պայմանավորված՝ Երևանի քաղաքապետարանի և վարչական շրջանի ղեկավարի աշխատակազմի կողմից համատիրություններին տրամադրվում են ախտահանիչ նյութեր և լրավճարներ, իսկ ախտահանման աշխատանքները կազմակերպվում և իրականացվում են համատիրությունների աշխատակիցների ուժերով։
Աղբյուր՝ Երևանի Արաբկիր վարչական շրջանի Ֆեյսբուքյան էջ