Ամբողջ աշխարհում կորոնավիրուսով վարակվածների թիվը գերազանցել է 21 միլիոնը: Ներկա պահին կա 21,074,199 վարակակիր: Մահացության ցուցանիշը կազմում է 757 495, ապաքինվել է 13,925,612 հիվանդ: Այս մասին են վկայում Worldometers կայքի՝ իրական ժամանակում թարմացվող տվյալները:
Վարակվածների ու մահացության ցուցանիշով առաջատարը Միացյալ Նահանգներն է, որտեղ վարակված է 5,415,666 մարդ, մահացել է 170,415 հիվանդ, ապաքինվել՝ 2,843,204-ը: Երկու ցուցանիշներով երկրորդ հորիզոնականն զբաղեցնում է Բրազիլիան` 3,229,621 վարակված, մահացածների թիվը 105,564 է, ապաքինվել է 2,356,640 մարդ: Երրորդը Հնդկաստանն է՝ 2,461,542 վարակվածով: Այստեղ մահերի թիվը 48,153 է, ապաքինվել է 1,751,846 մարդ: Ռուսաստանը չորրորդ հորիզոնականում է: Այս երկրում վարակվածները 907 758-ն են, մահացության թիվը կազմում է 15 384, ապաքինվել է 716 396 հիվանդ: