ՀՀ ԱԺ «Իմ քայլը» խմբակցության պատգամավոր Հայկ Սարգսյանը ֆեյսբուքյան իր էջում տեսանյութ է հրապարակել հայ դիրքապահ մի կնոջ մասին:
Նա Ալիսա Մելքոնյանն է, ծառայում է Հայաստանի ամենաբարձրադիր և ամենացուրտ դիրքերից մեկում:
Եղբայրը` Գագիկ Մելքոնյանը, զոհվել է քառօրյա պատերազմում:
Ալիսան 44 օրյա պատերազմում ծանր վիրավորվել է, 3 ամիս չի կարողացել քայլել, սակայն բուժում ստանալուց հետո կրկին վերադարձել է մարտական հերթապահության:
«Չհանձնվող և անկոտրում հայուհու տեսակ է Ալիսան»,-եզրափակել է Հայկ Սարգսյանը:
