Երևանի Աջափնյակ վարչական շրջանի ղեկավար Թելման Թադևոսյանն աշխատանքից ազատման դիմում է ներկայացրել: Այս մասին Թադևոսյանը գրել է «Ֆեյսբուք»-ի իր էջում:
«Հարգելի աջափնյակցիներ,ընկերներ , գործընկերներ և թիմակիցներ, աշխատանքից ազատման դիմում եմ ներկայացրել և խնդրել եմ քաղաքապետ Մարությանին, որ չմերժի: Այս պահին նպատակահարմար եմ գտել անցնել բիզնես գործունեությանը, քանի որ ունեմ բավականին փորձ և կապեր այդ ոլորտում և այս պահին կարևորում եմ մեր երկրում բիզնեսի զարգացումը»,- գրել է Թադևոսյանը:
Թելման Թադևոսյանը Երևանի քաղաքապետ Հայկ Մարությանին և քաղաքապետարանի աշխատակազմին շնորհակալություն է հայտնել համատեղ աշխատանքի համար:
Թելման Թադևոսյանն Աջափնյակ վարչական շրջանի ղեկավար է նշանակվել 2020թ. փետրվարի 18-ին:
