Հունիսի 4-ին Ադրբեջանի ԶՈՒ-ն շփման գծի կենտրոնական և հյուսիսարևելյան ուղղությամբ խախտել է հրադադարը` կիրառելով հրաձգային զենք։ Արցախի ՊՆ մամուլի ծառայությունից հայտնում են, որ հայկական կողմը կորուստներ չունի։ Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
Հունիսի 5-ի ժամը 10։00-ի դրությամբ՝ իրավիճակը շփման գծում հարաբերականորեն կայուն էր, սակայն ինչպես տեղեկացնում են Արցախի ՊՆ մամուլի ծառայությունից, հունիսի 5-ին՝ ժամը 10:45-ից ժամը 11։00-ն ընկած ժամանակահատվածում, Ադրբեջանի ԶՈՒ-ն շփման գծի արևելյան և հարավարևմտյան ուղղությամբ խախտել է հրադադարը` կիրառելով հրաձգային զենք։ Հայկական կողմը կորուստներ չունի։ Հրադադարի խախտման այս դեպքի մասին ևս հաղորդվել է ՌԴ խաղաղապահ զորակազմի հրամանատարությանը։
Հունիսի 5-ի ժամը 13։00-ի դրությամբ իրավիճակը շփման գծում հարաբերականորեն կայուն է։