Երեկ՝ սեպտեմբերի 21-ին, Արցախյան 44-օրյա պատերազմի հերոս, ոստիկանության զորքերի զորամասի հրամանատար և գնդապետ Արմեն Վարդանյանի ծննդյան օրն էր։ Այդ կապակցությամբ գնդապետ Վարդանյանի ծննդավայր Էջմիածնում տեղի են ունեցել հիշատակի և ոգեկոչման միջոցառումներ, որոնք մեկնարկել են զոհված հերոսների պուրակից։ Օրվա ավարտին Արմեն Վարդանյանի ընտանիքի անդամները, ոստիկանության զորքերի հրամանատարական կազմը, ծառայակիցներն ու ենթակաները այցելեցին նրա շիրիմին, ծաղիկներ խոնարհեցին և խնկարկեցին։