Ապրիլի 4-ին շուրջ 300 ուխտավորներ, ռուսական խաղաղապահ զորախմբի ուղեկցությամբ այցելել են Ամարասի հնագույն վանական համալիր: Այդ օրը վանքը մարդաշատ էր, ինչպես երբեք. մարդիկ եկել էին՝ մասնակցելու Սուրբ Զատկի տոնական արարողությանը: Ձեռք բերված պայմանավորվածությունների համաձայն Ստեփանակերտից ուխտավորներն ազատորեն այցելում են Ամարասի վանքի տարածք՝ Լեռնային Ղարաբաղում գտնվող ռուսական խաղաղապահ զորախմբի ռազմական անձնակազմի ուղեկցությամբ: