Ռուսաստանի և Ուկրաինայի միջև կարող է համաձայնության պայմանագիրը կնքվել մեկ-երկու շաբաթվա ընթացքում, ծայրահեղ դեպքում՝ մայիսին։ Նման կարծիք է հայտնել Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը՝ Feigin Live ալիքում հրապարակված հարցազրույցում։
Նա նշել է, որ ժամկետները կարող են փոփոխվել:
Հիշեցնենք, ռուս-ուկրաինական բանակցությունները շարունակվել են երկուշաբթի օրը՝ մարտի 14-ին, տեսակոնֆերանսի ձևաչափով։ Ռուսաստանի Դաշնության պատվիրակությունը Ուկրաինայի հետ բանակցություններում տեսաձևաչափով ևս, ինչպես նաև Բելառուսում դեմ առ դեմ հանդիպումների ժամանակ, գլխավորում է ՌԴ նախագահի օգնական Վլադիմիր Մեդինսկին։
Ուկրաինայի նախագահ Վլադիմիր Զելենսկին հայտարարել է, որ հաջորդ փուլը կկայանա այսօր՝ մարտի 15-ին։