Երեկվանից մամուլում լուրեր են շրջանառվում, որ Երեւանի քաղաքապետ Հայկ Մարությանը նշանակվելու է Չեխիայում Հայաստանի դեսպան։ Լրատվամիջոցների հավաստմամբ՝ գործընթացն արդեն սկսվել է, եւ առաջիկայում այդ մասին հայտնի կդառնա արդեն պաշտոնական հայտարարություններով։
Քաղաքապետի խոսնակ Հակոբ Կարապետյանը, պատասխանելով տեղեկությունը ճշտելու վերաբերյալ «Հայկական ժամանակի» հարցմանը, ասաց՝ բամբասանքները չեմ մեկնաբանում։
Հիշեցնենք, որ Հայկ Մարությանի կինը՝ Իվա Մարությանը, ազգությամբ չեխ է, Չեխիայի քաղաքացի։ Չեխիայի քաղաքացիներ են նաեւ Մարությանի 4 անչափահաս երեխաները: Ամուսինները Չեխիայում տիրապետում են մի քանի անշարժ գույքի։