Ինչպես հաղորդում են ադրբեջանական ԶԼՄ-ները, Սյունիքի մարզի հովիվներից մեկ արածացնելով անասունները հանձնվել է ադրբեջանական կողմին։ Ադրբեջանի հատուկ ծառայությունների հերթական տմարդի քայլը իրեն սպասեցնել չտվեց հրապարակված տեսանյութում ադրբեջանցի քննիչը ակնհայտորեն ուղղորդելով Նարեկ Սարդարյանին կորզում էր իրեն անհրաժեշտ տեղեկությունները, մասնավորապես Հայաստանի սոցիալ տնտեսական իրավիճակի, իրավապահ համակարգի, բանակի մասին, բնականաբար այդ ամենը բացասական երանգներով։ Հիշեցնենք որ Սյունիքի բնակիչ՝ հովիվ 30-ամյա Նարեկ Սուրենի Սարդարյանը մոլորվելով գերի է ընկել ադրբեջանցի սահմանապահներին։
ԱԺ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան իր էջում գրում է․
«Ադրբեջանական ԶԼՄ-երը տեղեկություն են հայտնում, որ վերջերս Ներքին Խնձորեսկի բնակիչ Նարեկ Սարդարյանը, որն անհետացել էր օրեր առաջ, իրենց մոտ է։ Փաստորեն մեր քաղաքացու ընտանիքի վարկածը (նրանց այցելել էինք Սյունիք կատարած այցի ժամանակ) որ վերջինս արոտավայրից անհետացել է թշնամու մոտ պատահաբար հայտնվելու պատճառով հաստատվեց:
Տեսանյութում որը դիտավորյալ չենք հրապարակում Նարեկը ուղղորդվելով ասում է որ քաղաքական ապաստարան է հայցում ադրբեջանցիներից։
