Սահմանադրական դատարանի դատավորները աշխատակարգային նիստում դեռևս չեն հասել նախագահի թեկնածուների առաջադրման, ինքնաառաջադրման գործընթացին, քննարկման առարկան դեռ այլ հարց է: Այս մասին լրագրողների հետ ճեպազրույցում հայտնեց ՍԴ դատավոր Էդգար Շաթիրյանը:
Հարցին, թե այդ հարցի քննարկումից հետո թեկնածուների հարցը կքննարկե՞ն արդյոք, Շաթիրյանն ասաց՝ կարծում է, որ այո: Անդրադառնալով հնարավոր թեկնածուներին՝ նա նշեց՝ տեսականորեն ամեն ինչ հնարավոր է: ՍԴ աշխատակարգային նիստն ընդմիջվել էր, այն վերսկսվեց ժամը 14:00-ին:
Սահմանադրական դատարանը աշխատակարգային նիստում պետք է փակ գաղտնի քվեարկությամբ ընտրի դատարանի նախագահ:
